網紅的藏寶箱丫仁做呢份工個時都講呢份只係過渡期，一直會搵自己想做嘅工轉，點知一直轉唔到先繼續做呢份過渡期嘅工。冇期望會有咩賞金、進昇等等，但今日老闆娘確實真係加咗少少人工。雖然未去到以前外資公司嘅高薪，距離就接近咗。
我覺得今次嘅主因係因為Pop up Store我做咗好多佢哋expect唔到嘅嘢，而且又令理事長威威，所以先會有人工加！其實理事長一直都話買部新相機、新電腦俾我。但係我唔知幾時會轉工，所以一直都拖得就拖唔想買，加少少確實係一個明智嘅選擇。但係你搵咁多L錢，加我就雞碎咁多……..
除咗做大量嘅design之外，老闆娘另一個原因就係話我平時會主動去做dum 垃圾、洗廁所呢啲雜務（其實我真係唔想做，但我唔做嘅話班女人會用10萬個藉口扮忙唔會做）睇吓佢嘅年終bonus係有幾多錢啦！亦都睇吓個市幾時轉返好可以去返小弟嘅期待薪金。
丫仁真心好平，快啲介紹俾你朋友獵我走啦！！
Search